Nga data 12 - 23 Shtator 2022, tri ekspertet  Divizionit (Laboratorit) për Analiza Kimike te Narkotikeve: znj. Adelina Nimanaj-Halili, znj. Shyhrete Tahiri, dhe znj. Edona Kryeziu dhe zyrtar te agjencive të tjera në vend, morën pjesë në trajnimin e avancuar “Clandestin Laboratory & Chemical Diversion Course”, të organizuar dhe koordinuar nga ICITAP-i, të financuar nga Qeveria e SHBA-ve dhe te udhëhequr nga ekspertë te DEA-s (Drug Enforcment Administration) Amerikane, që është mbajtur në Akademinë e Kosovës për Siguri Publike në Vushtrri.

Trajnimi ka pasur për qëllim ngritjen e kapaciteteve dhe zhvillimin e aftësive te reja në trajtimin e Laboratorëve Klandestinë të Drogave duke përfshirë: hetimin e sigurte të tyre, masat e sigurisë dhe përdorimin e pajisjeve personale mbrojtëse gjate trajtimit te tyre, identifikimin e trendëve te modifikimeve kimike te Drogave/Substancave te reja psikoaktive dhe prekursorëve, hetimin e kompanive kimike dhe origjinës se tyre, mbledhjen dhe përpunimin e provave nga laboratorët e rrezikshëm klandestinë si dhe analizimin dhe identifikimin e tyre ne laboratorin e Forenzikes.

Ne fund te trajnimit, ekspertet pjesëmarrëse u certifikuan dhe shprehen falënderim për pjesëmarrje ne këtë trajnim gjatë te cilit zgjeruan dhe zhvilluan e aftësive te reja për luftimin dhe trajtimin e Laboratorëve Klandestinë të Drogave në nivel vendi. 

                   foto gjatë trajnimit.