Agjencia e Kosovës për Forenzikë dhe Instituti i Mjekësisë ligjore nënshkruan marrëveshje bashkëpunimi në fushën e forenzikes.
Kjo marrëveshje bashkëpunimi ka për qellim rritjen e bashkëpunimit ndërmjet Agjencisë së Kosovës për Forenzikë dhe Institutit të Mjekësisë Ligjore, për rritjen dhe forcimin e kapaciteteve njerëzore, teknike dhe profesionalizimin ne zbatimin e shkencave mjeko ligjore (forenzike) si dhe shkëmbimin e përvojave me të mira dhe informacioneve që ndikojnë në efikasitetin e procedimit të rasteve.
Kryeshefi ekzekutiv i Agjencisë së Kosovës për Forenzikë Dr. Blerim Olluri dhe Drejtori i përgjithshëm i Instituti i Mjekësisë ligjore Dr. Arsim Gerxhaliu me rastin e nënshkrimit u zotuan se ky bashkëpunim do të rritet vazhdimisht duke lehtësuar procedurat e shkëmbimit të informacioneve dhe duke përkrahur njëra tjetrën në çdo aspekt me të vetmin qellim ngritjen e kapaciteteve profesionale dhe shkencore të dy institucioneve në fushën e forenzikes.
Foto me rastin e nënshkrimit të Memorandumit të Bashkëpunimit