Ekspertët nga Agjencia e Kosovës për Forenzikë kanë arritur rezultate kulminanate në katër fusha forenzike duke kaluar me sukses testet e aftësive profesionale ndërkombëtare.
Ekspertet u janë nënshtruar testeve nga fusha e ekspertimit të:
- ADN-së dhe Serologjisë
- Dokumenteve, Dorëshkrimeve dhe Parasë
- Balistikës dhe
- Narkotikëve
Ekspertët e divizionit (Laboratorit ) për ekspertizë të ADN-së dhe Serologjisë iu nënshtruan dy testeve të aftësive profesionale “Testit Profesional/TP/ 2024-5805 DNA-Blood” dhe Testit Profesional/TP/ 2024-5806 DNA-Mixture.
“Divizioni i Dokumenteve, Dorëshkrimeve dhe Parasë iu nënshtruan testit të aftësive profesionale “Handwriting Examination 2024-5241”, nga kompania Amerikane Collaborative Testing Services (CTS) Inc, Forensic Testing Program
Divizioni i Balistikes iu nënshtrua testit CTS-2024-5262 WEB Cod-YQ3QBN, nga kompania Amerikane Collaborative Testing Services (CTS) Inc, Forensic Testing Program,
Kompania Amerikane Collaborative Testing Services (CTS) Inc, Forensic Testing Program është lider global në krijimin e testeve të aftesive profesionale nga disiplinat e ndryshme të shkences së forenzikës.
Ekspertët e divizionit (Laboratorit ) për ekspertizë të Narkotikeve iu kanë nënshtruan testit të aftësive profesionale të pranuar nga United Nations Office on Drugs and Crime (UNODC) që është një lider global në luftën kundër drogave të paligjshme dhe krimit ndërkombëtar andaj edhe krijon teste në nivel ndërkombëtar për analizën e Drogave si “ Seized Materials (SM 2024 Round 2”.
Në këto teste Ekspertët i kanë analizuar dëshmitë duke përdor metoda shkencore të validuara dhe të akredituara sipas ISO 17025, që zbatohen në Divizionet e Agjencisë së Kosovës për Forenzikë.
Vlen të theksohet se, qëllimi themelor i testimit të aftësive profesionale është vlerësimi i përformancës së ekspertëve dhe metodave të laboratorit për kryerjen e ekspertimeve forenzike që sipas rezultateve të arritura nga ekspertet është në nivelin më të lartë.
